عسكر ... عساكر
عسكر عساكر ... والكل فاكر ... إن أنا بهتف ضد الجيــش
عسكر عساكر ... والكل فاكر ... إن أنا بهتف ضد الجيــش
لأ ده أنا بهتف ضد المجلس عشان يمشي ومابيمشيش
كل ما أقوله سلم السلطة يقولي بكرة و ما يسلمنيش
يقولي أمانة إديني حصانة عشان لما أمشي ماتحاكمنيش
عسكر ... عساكر ده كل فاجر ... حاسب أن الشعب ما بيفتريش
لأ ده مفتري عالظلمه و اللي حرمه من لقمة عيش
ما بالك أنت بقي يا ظالم ده اللي مات ما بيتنسيش
ده أنت نهايتك من سوادها في التاريخ راح تعيش
عسكر عساكر ... ده شعب ماكر ... للظلم أبداً مايتتطايش
و إن حاولت تخليه يطاطي خليك راجل و ماتبكيش
وقفل بيبان دارك و إقفل عليك ألف باب و شيش
صدق اللي قال الثورة لما تقوم تشيل و ما تخليش
عسكر ... عساكر ... إدرس و ذاكر ... إزاي تخلي الثورة تعيش
مهما الكلاب تنبح عليك أقف مكانك و ما تمشيش
ده مهما كلابهم نبحت أكتر ... الثورة عايشة و مابتنتهيش
و إن مسكت كلب مرة جيب رقبته لجل أي كلب تاني فوش الشعب ما يعويش
عسكر ... عساكر ... إرحل و هاجر ... يامجلس عار آه ماتساويش
كل اللي هاممني بس جيشنا لكن المجلس ده ما يهمنيش
عسكر عساكر ... رافض و ناكر ... للمجلس وغير الشعب مفيش
عسكر عساكر .... ده غريب ونادر .... إن سجونكوا متكفيش
و جلادينكوا و كهربتكوا خلاص بقت ما توجعنيش
أصل الشعب طلع و قالها السياسة مش للجيش
السياسة مش للجيش
بقلم
محمود عبد السلام
ليست هناك تعليقات:
إرسال تعليق